Արարատի մարզում 35-ամյա տղամարդը ծեծել է կնոջը՝ առանց իր թույլ տվության իրենց տուն մուտք գործելու համար:

Դեպքը տեղի է ունեցել Արարատի մարզի գյուղերից մեկում. տղամարդը վիճաբանել է կնոջ հետ՝ իրենց տուն առանց իր թույլտվության մուտք գործելու համար:

Վիճաբանության ընթացքում տղամարդը բռունցքով երկու անգամ հարվածել է կնոջ դեմքին, քաշել նրա մազերից, այնուհետև գցել գետնին ու ոտքով հարվածներ հասցրել՝ մարմնի տարբեր մասերին։ Ավելին, երբ տեղեկացել է, որ իրենց տուն են ժամանել նաեւ ոստիկանները, ննջասենյակում գտնվող ծաղկամանով հարվածել է կնոջ մեջքին:

«Փաստինֆո»-ի հաղորդմամբ՝ դեպքի առթիվ հարուցվել է քրեական գործ, որի շրջանակներում ամուսնուն մեղադրանք է առաջադրվել ՀՀ քրեական օրենսգրքի 118-րդ հոդվածով՝ ծեծի համար:

Վերջինիս նկատմամբ որպես խափանման միջոց է ընտրվել ստորագրությունը՝ չհեռանալու մասին: Քրեական գործով նախաքննությունն ավարտվել է, գործն ուղարկվել է դատարան: