Երեկ՝ հունիսի 1-ին, շղթայական ավտովթար է տեղի ունեցել Երևանում։ Ժամը 22:30-ի սահմաններում Մոսկովյան-Բաղրամյան խաչմերուկում միմյանց են բախվել Hyundai, Nissan և Bentley մակնիշի ավտոմեքենաներ։

Վթարի հետևանքով տուժածներ չկան։ MediaHub.am-ի տեղեկություններով` Bentley մակնիշի 60 QQ 006 պետհամարանիշով ավտոմեքենան պատկանում է Մալաթիա-Սեբաստիա վարչական շրջանի նախկին ղեկավար, գործարար Սամվել Ալեքսանյանի եղբորորդի Արտակ Ալեքսանյանին։