Ռուսաստանի նախագահ Վլադիմիր Պուտինի եւ ԱՄՆ-ի առաջնորդ Ջո Բայդենի հանդիպման ծրագրում փոփոխություններ չկան՝ չնայած ԱՄՆ-ի պետական կառույցների վրա ՌԴ-ից հաքերներին վերագրվող կիբերհարձակումների մասին տվյալներին: Այս մասին ուրբաթ լրագրողների համար ճեպազրույցում հայտարարել Է Սպիտակ տան մամուլի քարտուղարի տեղակալ Կարին Ժան Պիերը, փոխանցում է ՏԱՍՍ-ը։

Նրան հարցրել են, թե արդյոք Microsoft ընկերության ներկայացուցիչ Թոմ Բերտի հրապարակած տվյալները կազդեն առաջիկա հանդիպման անցկացման ծրագրերի վրա։ «Գագաթաժողովի անցկացման վերաբերյալ ոչ մի փոփոխություն չկա։ Ինչպես հասկանում եք, մենք պատրաստվում ենք առաջ շարժվել այդ հարցում», — նշել է նա։