Այսօր՝ մայիսի 8-ին ՍԴ աշխատակազմի նախկին ղեկավար Էդգար Ղազարյանը նախաձեռնել է հանրային հանդիպում ՀՀ նախագահի նստավայրի մոտ։

«Բոլորիդ հրավիրում եմ հանրային հանդիպման՝ հրապարակային կերպով հնչեցնելու Հանրապետության նախագահ Արմեն Սարգսյանին ուղղված այն 10 հիմնական հարցադրումները, որոնք պայմանավորված են իր գործողությունների և լիազորությունների հետ՝ կապված վարչապետի պաշտոնից Նիկոլ Փաշինյանի հրաժարականից հետո ընթացող հակասահմանադրական և հակաօրինական գործընթացներին և դրանց հնարավոր հետևանքներին»,- ավելի վաղ հայտարարել էր Ղազարյանը։