Keeping Up With the Kardashians իրապատում շոուի հայազգի աստղ Քիմ Քարդաշյանն իր ինստագրամյան էջում նոր հրապարակում է արել՝ հղում տալով ամերիկյան Brut պարբերականի հրապարակմանը։

Աստղը ևս մեկ անգամ անդրադարձել է Հայոց ցեղասպանությանը՝ նշելով, որ Միացյալ Նահանգներն առաջին անգամ ընդունել է Ցեղասպանությունը։

«Ես միշտ անկեղծորեն խոսել եմ այն մասին, թե որքան եմ ցանկանում, որ Հայոց ցեղասպանությունը ճանաչվի», — գրել է Քիմը` ամսագրի հրապարակմամբ կիսվելով։

Նա նաև կիսվել է հրապարակման այն հատվածով, որտեղ երգչուհի Շերը (Շերիլին Սարգսյան) ասում է, որ ապրիլի 24-ը Հայոց ցեղասպանության հիշատակի օրն է և կոչ անում երբեք չմոռանալու խոստում տալ։

Ինչպես ավելի վաղ տեղեկացրել է Tert.am-ը, Քիմ Քարդաշյանն իր թվիթերյան էջում պատասխանել էր ՀՀ նախագահ Արմեն Սարգսյանի շնորհակալական նամակին։

«Շնորհակալություն նախագահ Սարգսյանին, որը միշտ ժամանակ է գտել ինձ Հայաստանի մասին պատմելու համար։ Շնորհակալություն ANCA-ին (Ամերիկայի Հայ դատի հանձնախումբ) և բոլոր հայկական կառույցներին, ինչպես նաև յուրաքանչյուր հայի, որը պայքարել է ճանաչման օրվա համար։ Ես երջանիկ եմ, որ կարողացա օգնել բարձրացնել իրազեկությունը և միշտ շարունակելու եմ աջակցել այս գեղեցիկ երկրին»,- գրել է Քարդաշյանը։

Հիշեցնենք, որ ՀՀ նախագահ Արմեն Սարգսյանը շնորհակալական նամակներ էր ուղարկել Քիմ Քարդաշյանին և հայտնի երգչուհի Շեր Սարգսյանին՝ Հայոց ցեղասպանության ճանաչման համար ներդած ջանքերի համար։

No description available.No description available.No description available.No description available.