Ողջ աշխարհում կորոնավիրուսով վարակվածների թիվն արդեն գերազանցում է 150,11 միլիոնը: «Արմենպրես»-ի փոխանցմամբ, Առողջապահության համաշխարհային կազմակերպության տվյալներով՝ մահերի թիվը գերազանցում է 3.15 միլիոնը:

ԱՀԿ վիճակագրությունը ներառում է միայն պետությունների կողմից տրամադրվող պաշտոնական տվյալները:

Վերջին օրերին գրանցված վարակների ավելի քան 45 տոկոսը բաժին է ընկնում Հարավ-արևելյան Ասիային, երկրորդ տեղում են Հյուսիսային և Հարավային Ամերիկաները, երրորդ տեղում՝ Եվրոպան:

Վարկման ամենամեծ թիվը գրանցվել է ԱՄՆ-ում (31 889 171), որին հաջորդում են Հնդկաստանը (18 762 976), Բրազիլիան (18 762 976), Ֆրանսիան (5 505 700), Ռուսաստանը (4 805 288), Թուրքիան (4 788 700), Մեծ Բրիտանիան (4 414 246), Իտալիան (4 009 208), Իսպանիան (3 514 942), Գերմանիան (3 381 597), Արգենտինան (2 928 890) և Կոլումբիան (2 824 626):