Խերսոնի մարզում սկսվել են տարածքային պաշտպանության 10-օրյա ուսումնական հավաքները։ Ղրիմի հետ սահմանին նախատեսվում է Ուկրաինայի Զինված ուժերի ավելի քան 4 հազար զինծառայողներից 8 ստորաբաժանում տեղակայել, հաղորդում է «ՌԲԿ Ուկրաինան»:

Խերսոնի մարզային պետական վարչակազմի նախագահ Սերգեյ Կոզիրը պարզաբանել է, որ հավաքները որոշել են անցկացնել ի պատասխան Ուկրաինայի հետ սահմանին ռուսական զորքերի տեղակայման: «Ուկրաինայի Զինված ուժերի գլխավոր հրամանատարը որոշում է ընդունել մեր մարզի տարածքում տարածքային պաշտպանության 124 առանձին բրիգադի արտապլանային վարժական հավաք անցկացնել ապրիլի 7-16-ը», — հայտնել է նա: