Պատրաստվում ենք ընտրություններին, աշխատանքները սկսվել են, լրագրողների հետ զրույցում ասաց ԱԺ փոխխոսնակ, իմքայլական Ալեն Սիմոնյանը: Նա չբացառեց, որ իրենց ընտացուցակում հնարավոր է՝ նոր անուններ լինեն:

«Կան պատգամավորներ, որոնք լքեցին «Իմ քայլը», բնական է, որ իրենց հետ այլևս աշխատելն անհնար եմ համարում: Անգամ այսօր այստեղի նրանց աշխատանքը համարում եմ, մեղմ ասած, ոչ լեգիտիմ:
Մեր գործընկերների մեծ մասը շարունակելու է աշխատանքը, մի մասը կարող է գործադիրում շարունակի: Ցնցումներից հետո կուռ մնացած թիմը շարունակելու է աշխատել», — ասաց Սիմոնյանը:

Խորհրդարանի փոխխոսնակը կարծում է՝ ընտրություններին ճիշտը «Քաղաքացիական պայմանագիր» կուսակցության անվանումով գնալն է: