Գիտե՞ք ինչու է բանակը հայտնում մտահոգություն, Գլխավոր շտաբը հայտնում մտահոգություն, որովհետեւ իրավապահ համակարգը՝ գլխավոր դատախազի գլխավորությամբ տապալել է դավաճանի կողմից հայ ժողովրդի, նրա զավակների դեմ կարած հանցագործությունների համար ձերբակալումները: Այս մասին, այսօր՝ փետրվարի 26-ին, Դատախազության դիմաց ընդդիմության բողոքի ակցիայի ժամանակ նշեց ԱԺ նախկին փոխխոսնակ Արփինե Հովհաննիսյանը:

«Ընդդիմությունը մի պահանջ կարող է ունենալ Արթուր Դավթյանից: Դուք պարտավոր եք գոնե մեկ անգամ դրսեւորել իրավահպատակ վարքագիծ, այսինքն կամ ձերբակալեք դավաճանին եւ բոլոր նրանց, որոնք սպնել են հայ ժողովրդի զավակներին, կամ հրաժարական տաք եւ ասեք, որ չեք կարողանում պատվեր չկատարել: Փաստն այն է, որ մինչ այս պահը չեք կարողանում պատվեր չկատարել:

Կամ մաքրվեք՝ ձերբակալելով դավաճան մարդուն, կամ ուղղակի պատիվ ունեցեք ու հեռացեք: Դուք գիտեք, թե ինչ է թաքնված ԳՇ-ի հայտարարության տողերի արանքում: Դուք պետք է դա անեիք, չեք արել, գոնե հիմա մաքրվեք ու արեք դա: Ձերբակալեք կամ հեռացեք: