«Հրապարակ» թերթը գրում է. «Այս իշխանության մեջ բոլորը չէ, որ նախկինների ու ներկաների բաժանման կողմնակից են։ Ոմանք դեմ են նախկիններին սեւացնելու քաղաքականությանը եւ անգամ չեն ժխտում իրենցից առաջ աշխատած անձանց վաստակը։

Մեզ պատմեցին, որ երբ անցած տարեվերջին ՊԵԿ գործունեության տարեկան ամփոփ տեսաշարն են պատրաստել, ֆիլմի միայն 1 կադրում է եղել ՊԵԿ նախկին նախագահ Դավիթ Անանյանը։ Ֆիլմը նայելով՝ ՊԵԿ նախագահ Էդվարդ Հովհաննիսյանը հանձնարարել է խմբագրել՝ ավելացնել Անանյանի հատվածը։ Ասել է, որ մինչեւ 2020թ․ հունիսը՝ գրեթե կես տարի, պարոն Անանյանն է եղել նախագահը, պետք է համամասնությունը պահպանել»:

Առավել մանրամասն՝ թերթի այսօրվա համարում