Շրջանառվող տեղեկությունների համաձայն՝ Հայաստանում գրանցված ամերիկյան արտադրության «Boeing 737» ինքնաթիռ է հայտնվել Իրանում: Այն փոխանցվել կամ վաճառվել է Իրանին դեռևս անհայտ հանգամանքներում և զարմանալի է, թե ինչպես են ավիացիոն իշխանությունները թուլատրել դա, հաշվի առնելով Իրանի դեմ գործող միջազգային սանկցիաները: Այս մասին գրում է Mediaport տելեգրամյան ալիքը:

Ինքնաթիռն օրեր առաջ պետք է վայրէջք կատարեր Հայաստանում, սակայն իջեցվել է Թեհրանում:

Քիչ առաջ Քաղաքացիական ավիացիայի կոմիտեն հայտարարություն է տարածել, որի բովանդակությունից պարզ է դառնում, որ տեղեկությունը ճիշտ է, սակայն կոմիտեն տեղյակ չէ, թե ինչպես է ինքնաթիռը հայտնվել Իրանում։

Նշենք, որ կատարվածի արդյունքում Հայաստանը կարող է խնդիրներ ունենալ ԱՄՆ-ի հետ, քանի որ ցանկացած ընկերություն (պետություն), որը Իրանին կփոխանցի կամ կվաճառի այն ապրանքատեսակները, որոնք արգելված են ամերիկյան օրենսդրությամբ, կարող է հայտնվել ամերիկյան պատժամիջոցների տակ: Փաստացի, Տաթևիկ Ռևազյանի պատճառով Հայաստանին կրկին միջազգային սկանդալ է սպառնում: