Այդ ծերունի ավազակի ասածը նորություն չի մեզ համար. ինքը եւ իր ոհմակը միշտ պատրաստ են կրակելու ժողովրդի վրա, բայց լավ կլիներ, որ այդ կրակը ժամանակին ուղղեին դեպի թշնամին: Այս մասին, այսօր՝ փետրվարի 22-ին, «Հայրենիքի փրկության շարժման» կազմակերպած անհնազանդության երթի մեկնարկին լրագրողների հետ զրույցում ասաց ՀՅԴ ԳՄ ներկայացուցիչ Իշխան Սաղաթելյանը:

«Իրենք մինչ այդ պետք է պատասխան տան 5000-ից ավելի զոհերի, կորոնավիրուսից մահացածների համար: Իրենց վրա 10 հազարից ավելի մարդու արյուն կա, հիմա նորից փորձ անել կրակել ժողովրդի վրա, նոր խելագարություն է: Իհարկե, ես հասկանում եմ այդ ծերունի ավազակի տվայտանքները, որ իշխանությունը կորցնելուց հետո ինչ է սպասվում իրեն եւ իր թիմին: Սա է այսօրվա իշխանություն: Եթե իրենց թվում է, որ կարող են ժողովրդին վախեցնել, հետ կանգնեցնել իրենց պայքարից, չարաչար սխալվում են: Այս պայքարը կանգ չի առնելու, գնալու է մինչեւ վերջ: Մենք կազմակերպված ձեւով քշելու ենք այս իշխանություններին: Թող այդ ծերունի ավազակը եւ մյուսները թող մտածեն, տարբեր դեսպանատների հետ բանակցելով իրենց ապագայի մասին: Իրենք լավ գիտեն, որ պետք է կրակեն ժողովրդի վրա, որ փրկվեն, պահեն իշխանությունը: Հակառակ դեպքում պատասխան են տալու ամեն ինչի համար»,-ասաց Սաղաթելյանը:

Ավելի վաղ հայտնել էինք, որ Ազգային ժողովի պաշտպանության և անվտանգության հարցերի  մշտական հանձնաժողովի նախագահ Անդրանիկ Քոչարյանը, «Ազատություն» ռադիոկայանի եթերում անդրադառնալով «Հայրենիքի փրկության» շարժման վարչապետի թեկնածու վազգեն Սարգսյանի հայտարարությանը, թե պետք է պատրաստ լինել կայծակնային արագությամբ ապստամբություն բարձրացնել, գրավել շենքեր, ասել էր. «Եթե մտածում են շենքեր գրավելու մասին, թող նաև մտածեն, որ այդ շենքերը գտնվում են պետական պապհպանության, իսկ դա նշանակում է, որ պետությունը նոմոպոլ իրավունք ունի կրակելու»: