Ուրբաթ տեղական ժամանակով ժամը 17:30-ի սահմաններում Ալաբամայի Մոնթգոմերի ռեգիոնալ օդանավակայանի մոտակայքում ռազմական ինքնաթիռի վթարի արդյունքում երկու մարդ է զոհվել, հայտնել են իշխանությունները, փոխանցում է Fox News-ը:

T-38 երկտեղանի գերձայնային ռեակտիվ ինքնաթիռը վթարի է ենթարկվել Դանելի Ֆիլդի մոտ` Մոնթգոմերիում, որտեղ տեղակայված է նաեւ Ալաբամայի օդային ազգային գվարդիայի բազան, ուրբաթ երեկոյան Fox News-ին հայտնել է Մոնթգոմերիի արտակարգ իրավիճակների կառավարման գործակալության տնօրեն Քրիստինա Թորնթոնը:

Չնայած տեղական ԶԼՄ-ները հայտնել են, որ Տրանսպորտային անվտանգության ազգային խորհուրդը թիմ է ուղարկել դեպքի վայր` մամուլի ծառայությունում հայտնել են, որ գործակալությունն իրավասություն չուներ վթարի նկատմամբ, քանի որ այն «ռազմական առաքելություն իրականացնող ռազմական ինքնաթիռ» էր ներառում:

T-38-ն օգտագործվում է ինչպես ռազմաօդային ուժերի, այնպես էլ ռազմածովային ուժերի կողմից մարզումների համար: Ալաբամայի ազգային ավիացիոն գվարդիան երեք հիմնական հենակետեր ունի ամբողջ նահանգում, որոնք տեղակայված են Բիրմինգհեմում, Դոթանում եւ Մոնթգոմերիում` կործանման վայրից քիչ հեռու, իսկ ռազմաօդային ուժերն այս տարածքում եւս մի բազա ունեն:

Սակայն ուրբաթ ՌՕՈւ-ում հայտնել էին, որ նման ինքնաթիռներում սովորաբար լինում են հրահանգիչը եւ ուսանող օդաչուն:

ՌՕՈւ-ն հայտնել է, որ օդաչուների վիճակն «անհայտ է», սակայն տեղական իշխանությունները հաստատել են նրանց մահը: