Հայաստանի Ազգային ժողովը փետրվարի 9-ին քննարկում է Վճռաբեկ դատարանի նախագահի ընտրության հարցը: Բարձրագույն դատական ​​խորհուրդն այս պաշտոնում առաջադրել է Լիլիթ Թադեւոսյանին:

«Քանի որ ես ավելի քան երկու տարի զբաղեցնում եմ Վճռաբեկ դատարանի Քրեական պալատի նախագահի պաշտոնը, ցանկանում եմ ներկայացնել կատարված աշխատանքի արդյունքները: 2018-2020 թվականներին Վճռաբեկ դատարանի Քրեական պալատը, որը, նախագահից բացի, եւս հինգ դատավոր ունի, քննել է 5550 դիմում, որից 545-ը վարույթ է ընդունվել»,- ասաց Թադեւոսյանը: