Թուրքմենստանի նախագահ Գուրբանգուլի Բերդիմուհամեդովը հրապարակավ նախատել է մշակույթի նախարար Աթագելդի Շամիրադովին` երկրում «մարդկանց երջանկության» մասին ներկայացումների բացակայության եւ թատերական ոլորտի ընդհանուր անկման համար: Այս մասին գրում է «Չեզոք Թուրքմենստան» կառավարական թերթը:

Նրա խոսքով` երկրի մշակութային ոլորտում լճացման պատճառը գեղարվեստի դպրոցների եւ գեղարվեստական ​​հաստատությունների աշխատանքի վատ կազմակերպումն է: Նա նախարարին հանձնարարել է վերանայել բոլոր ուսումնական ծրագրերը եւ նորերը կազմել: «Մենք նշեցինք մեր պետության մշտական ​​չեզոքության 25-ամյակը, սակայն որեւէ նշանակալի մշակութային միջոցառում չէր կազմակերպվել»,- ասել է Բերդիմուհամեդովը:

Նախագահը շեշտել է, որ թատրոնները եւ երկրի այլ մշակութային հաստատությունները դադարել են գովերգել պետության հաջողություններն իրենց աշխատանքներում եւ կարճ պյեսներ բեմադրել: Նա հավելել է, որ արդյունքում թատերական ռեժիսուրայի եւ «ստեղծվող գործերի գեղարվեստականության» ընդհանուր մակարդակը երկրում ընկել է: