Ուզբեկստանի նախագահի հերթական ընտրությունները տեղի կունենան 2021 թվականի հոկտեմբերի 24-ին: Ինչպես տեղեկացնում Է «Արմենպրես»-ը, փետրվարի 2-ին այդ մասին ՏԱՍՍ-ին հայտնել Է Ուզբեկստանի խորհրդարանի Օրենսդրական (ստորին) պալատի առաջին փոխխոսնակ Աքմալ Սայիդովը:

«Օրենսդրական պալատի պատրաստած օրինագծին համապատասխան հանրապետության նախագահի հերթական ընտրությունները տեղի կունենան ոչ թե 2021 թվականի դեկտեմբերի երրորդ տասնօրյակի առաջին կիրակի օրն, այլ ընթացիկ տարվա հոկտեմբերի 24-ին: Սպասվում Է, որ արդեն փետրվարի 5-ին Օրենսդրական պալատի պատրաստած օրինագծին հավանություն կտա խորհրդարանի Սենատը (վերին պալատը – ծանոթ. խմբ.)»,- ասել Է Սայիդովը: