Պատվիրակության որևէ անդամի աշխատանք որևէ մեկը չի կարող թերագնահատել կամ նվաստացնել, ասուլիսում ասաց ԵԽԽՎ-ում ՀՀ ԱԺ պատվիրակության անդամ, «Լուսավոր Հայաստան» խմբակցության ղեկավար Էդմոն Մարուքյանը՝ մեկնաբանելով պատվիրակության ղեկավար Ռուբեն Ռուբինյանին ուղղված քննադատությունները:

«Մեր ցանկացած պատվիրակություն թիմ է, պետք է միասնական գործի՝ առանց նայելու, որ հնարավոր է՝ մեկը մյուսի հետ խնդիրներ ունի: Մեզ երբեք այն ժամանակների ընդդիմության պես չենք պահել, ժամանակին անգամ դեպքեր են եղել, երբ պատվիրակության անդամները նույն ինքնաթիռով չեն ճամփորդել, որ ինքնաթիռում էլ իրար չտեսնեն», — ասաց պատգամավորը՝ ավելացնելով, որ իրենք թիմային աշխատանք են կատարում: