ԱՄՆ-ի հետ ավելի ընդլայնված պաշտպանական եւ ռազմավարական համագործակցության շրջանակում Հունաստանի ռազմածովային նավատորմը առաջարկել է նպաստել իր նավատորմի թարմացման նպատակով բազմաթիրախային ցամաքային ռազմական գործողությունների համար ամերիկյան ֆրեգատների գնման մասին անդրազգային համաձայնագրի կնքմանը, հայտնում է Kathimerini-ն։

Պարբերականի էքսկլյուզիվ հաղորդագրությամբ՝ այս առաջարկն ամբողջությամբ համապատասխանում է կառավավարության հայտարարած  ռազմավարական նպատակներին, ընդ որում՝ դրական է դիտվում նաեւ ամերիկացիների կողմից , որոնք ցանկանում են ընդլայնել Հունաստանում իրենց ռազմաարդյունաբերական ներկայությունը։

Առաջարկված միջկառավարական համաձայնագրի կենտրոնում որոշումների փաթեթն է, որի մեջ մտնում է բազմաթիրախային ցամաքային ռազմական գործողությունների համար 4 ֆրեգատների մատակարարումը, 4 ֆրեգատների, գծային նավերի արդիականացումը եւ հունական նավաշինարանների մասնակցությունը FFG(X) տեսակի նոր ամերիկյան ֆրեգատի մշակմանը։

Այս ծրագիրն, ըստ էության, նախատեսում է 2030 թվականին ռազմածովային ուժերի ստեղծում, որը հականավային МХ-60Р ուղղաթիռների մատակարարումների համադրությամբ ընդհանուր առմամբ ամերիկյան ուղղվածության կլինի, նշում է պարբերականը։