Ավստրիայի ՆԳ նախարար Կառլ Նեհամերը հայտարարել է, որ Վիեննայում ոչնչացված հրաձիգը «Իսլամական պետության» հետեւորդ էր, փոխանցում է «ՌԻԱ Նովոստի»-ն։

Հանցագործի վրա եղել է պայթուցիկի մուլյաժով գոտի, նա զինված էր հրացանով, առավոտյան մամուլի ասուլիսում ասել է երկրի ՆԳ նախարարը։

Երկուշաբթի երեկոյան Ավստրիայի մայրաքաղաքում անհայտ անձանց խումբը իրագործել էր հարձակումների շարք։ Զոհվել է երեք մարդ, վիրավորվել՝ 15-ը։ Հարձակվողներից մեկին հաջողվել է ոչնչացնել, մյուսները դիմել են փախուստի, հիմա նրանց որոնում են։

Իշխանությունները տեղի ունեցածը համարում են ահաբեկչություն եւ քաղաքացիներին խնդրում են հնարավորության սահմաններում տանից դուրս չգալ։