Ֆրանսիայի նախագահ Էմանուել Մակրոնը այսօր Ֆրանսիայում զինված հարձակումներից հետո դիմել է ժողովրդին։ Նա հայտնել է, որ երկիրը կրկին ենթարկվել է «իսլամիստական ​​ահաբեկչության»: Նա գրոհից մի քանի ժամ անց ժամանել է Նիցցա: Մակրոնին ուղեկցում էին ներքին գործերի նախարար Ջերալդ Դարմանենը և արդարադատության նախարար Էրիկ Դյուպոն-Մորետին: Նախագահը հայտարարել է վերջին իրադարձությունների ֆոնին երկրում անվտանգության միջոցառումների ուժեղացման մասին․
«Մենք կպաշտպանենք բոլոր աղոթատեղիները, մասնավորապես եկեղեցիները, որպեսզի Սրբերի տոնը պատշաճ անցկացվի: Մենք նաև կպաշտպանենք մեր դպրոցները դպրոցական արձակուրդներից հետո»: Բացի այդ, ըստ պետության ղեկավարի, առաջիկայում կմոբիլիզացվեն լրացուցիչ զինծառայողներ, Sentinelle հակաահաբեկչական գործողության շրջանակներում նրանց թիվը կավելանա՝ երեքից հասնելով յոթ հազարի: