Պաշտպանության նախարարությունում գործում է թեժ գիծ՝ 1-82 հեռախոսահամարով՝ այս օրերին քաղաքացիների հարցերին պատասխանելու համար։ ՊՆ փոխնախարար Գաբրիել Բալայանն ԱԺ նիստում ասաց, որ այս օրերին թեժ գիծը խիստ ծանրաբեռնված է, ոչ միշտ է հասանելի։

«Այս օրերին պատգամավորներից յուրաքանչյուրը հնարավորություն է ունեցել, որ եթե ձեզ դիմում են, իմ միջոցով, մնացած պաշտոնատար անձանց միջոցով այն ինֆորմացիան, որի խիստ կարիքը կա հասարակությունում, խոսքը վերաբերում է զինծառայողների հարազատներին, մենք հնարավորինս օպերատիվ ստուգում ենք և անհատական կարգով ձեզ տեղեկացնում ենք։ Եվ պատգամավորներից մեծ մասի հետ այս օրերին բոլորս կապի մեջ ենք եղել»,- նշեց Բալայանը։