Ադրբեջանում ԱՄՆ դեսպանատունն իր քաղաքացիներին հորդորում է վերանայել Ադրբեջան այցելելու որոշումը, որի պատճառը կոորնավիրուսն ու ահաբեկչական վտանգն են։ Այս մասին տեղեկանում ենք դեսպանատան էջից։

Նշվում է, որ Ադրբեջանում ահաբեկչական խմբերը երկարաժամկետ վտանգ են ներկայացնում, որոնք շարունակում են հարձակումներ ծրագրել Ադրբեջանում։ Ահաբեկիչները կարող են հարձակվել առանց զգուշացնելու՝ թիրախավորելով զբոսաշրջային վայրերը, տրանսպորտային հանգույցները, շուկաներն ու խանութները, այգիները, օդանավակայանները և այլ հանրային վայրեր։

Միևնույն ժամանակ, Երևանում ԱՄՆ դեսպանատունն իր քաղաքացիներին հորդորել է ղարաբաղյան հակամարտության պատճառով դուրս չգալ Երևանի տարածքից։