Լիբանանի բանակը հայտարարել է պայթյունի հետեւանքով ավերված Բեյրութի նավահանգստում որոնողական աշխատանքներ կատարելիս 1,3 տոննա հրավառության հայտնաբերման մասին, հայտնում է Reuters-ը։

Հաղորդման համաձայն՝ նավահանգստում խուզարկության ժամանակ 1320 կգ հրավառությունը հայտնաբերվել է պահեստում 120 արկղերում։ Ամերկացի ինժեներները դրանցից ազատվել են։

Հիշեցնենք, որ Բեյրութի նավահանգստում պայթյունը տեղի էր ունեցել օգոստոսի 4-ին։ Հրդեհի պատճառով պայթել էր պահեստում երկար ժամանակ պահպանվող 2750 տոննա ամիակի սելիտրան։ Զոհվել էր մոտ 190 մարդ, ավելի քան 6 հազարը մարմնական վնասվածքներ էր ստացել, ավերվել էին հազարավոր բնակելի շենքեր։

Սեպտեմբերի սկզբին Լիբանանի բանակը Բեյրութի օդանավակայանի մուտքի մոտ հայտնաբերել էր եւս 4.35 տոննա ամիակի սելիտրա։