Սեպտեմբերի 6-ին, ժամը 23:35-ին փրկարարներն Արգինա գյուղի մոտակայքում՝ ջրանցքում, հայտնաբերել են Նարեկ Մ․-ի (ծնված 2001 թ.) դին և քաղաքացիների հետ համատեղ ուժերով դին դուրս բերել ջրանցքից:

Հիշեցնենք, որ սեպտեմբերի 6-ին, ժամը 16:23-ին Մարզային ճգնաժամային կառավարման կենտրոն ահազանգ է ստացվել, որ Արագածավան-Արտենի ջրանցքը քաղաքացի է ընկել:

Դեպքի վայր է մեկնել ԱԻՆ ՓԾ Արագածոտնի մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

«Ջրառ» ՓԲԸ-ի աշխատակիցների կողմից իրականացվել են ջրի հոսքի դադարեցման աշխատանքներ:

Որոնողական աշխատանքներն իրականացվում են Արագածավան-Արտենի ջրանցքի երկայնքով՝ 2 ուղղությամբ (մոտ 10 կմ)։ Աշխատանքներին մասնակցում են 5 փրկարար-ծառայող և 15 քաղաքացի: