Սեպտեմբերի 7-ին, ժամը 10։13-ին Ճգնաժամային կառավարման ազգային կենտրոն ահազանգ է ստացվել, որ Արտաշիսյան փողոցում՝ «Երևան Սիթի» սուպերմարկետի մոտակայքում, այրվում է ավտոմեքենա։

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ։

Պարզվել է, որ հրդեհը բռնկվել է Բագրատունյաց պողոտայի թիվ 6 շենքի մոտակայքում։

Հրդեհը մեկուսացվել է ժամը 10։29-ին, մարվել՝ 10։36-ին։ Այրվել է «BMW X5» մակնիշի ավտոմեքենան (վարորդ՝ Էդգար Մ․)։