Չինաստանը դատապարտել է Պենտագոնի զեկույցը, որը պնդում էր, որ Պեկինը մտադիր է մեկ տասնամյակի ընթացքում կրկնապատկել իր միջուկային մարտագլխիկների պաշարները, հայտնում է AFP-ն:

Երեքշաբթի օրը հրապարակված Չինաստանի ռազմական հզորության վերաբերյալ Պենտագոնի ամենամյա ուսումնասիրության մեջ նշվում է, որ այն ​​այլեւս հետ չի մնում կամ առաջ է անցել ամերիկյան բանակից պաշտպանական մի քանի ոլորտներում:

Չինաստանի պաշտպանության նախարարությունը զեկույցը Պեկինի «պաշտպանական քաղաքականության եւ ռազմական ռազմավարության» սխալ մեկնաբանում է անվանել: Նախարարության հայտարարության մեջ նշվում է, որ զեկույցը «զրպարտում է Չինաստանի զինված ուժերի արդիականացումը, պաշտպանական ծախսերը, միջուկային քաղաքականությունը եւ այլ հարցերը»:

Պեկինը հայտարարել է, որ այդ զեկույցն ԱՄՆ-ի ահաբեկման վերջին օրինակն է` իր ռազմական ծախսերն արդարացնելու համար: «Չինաստանը միշտ ազգային պաշտպանության քաղաքականություն է վարել, եւ բոլորը գիտեն, որ Չինաստանը համաշխարհային խաղաղություն կերտող է»,- լրագրողներին հայտարարել է արտաքին գործերի նախարարության խոսնակ Հուա Չունինը:

Պենտագոնի զեկույցում նշվում է, որ Չինաստանը վճռական է իր հզորությունը դեպի արեւելք, դեպի Խաղաղ օվկիանոս ուղղելու եւ ԱՄՆ-ին այդ տարածաշրջանից դուրս մղելու հարցում:

Չինաստանը, իր հերթին, մեղադրել է Վաշինգտոնին, որը ռազմական բազաներ ունի Խաղաղ օվկիանոսում, Ասիայում լարվածությունը սրելու մեջ: