Այսուհետ ինձ դիմեն միայն Շիրակի մարզի բնակիչները. մյուս մարզերն ամեն մեկը իր ընտրած պատգամավորին, մարզպետին, քաղաքապետին ու գյուղապետին դիմի։

Այս մասին ֆեյսբուքյան իր էջում գրել է ԱԺ «Իմ քայլը» խմբակցության պատգամավոր Սոֆիա Հովսեփյանը։

«Այո , հասկացա… Համբերությունն էլ իր չափն ունի և իմը սպառվեց:

Այն, որ կազմակերպված հակաքարոզչություն է իմ անձի հանդեպ, դա ինձ համար նորություն չէր և ես գիտեի, որ ճանապարհս բարդ է ու որքան հնարավոր խորդուբորդ, բայց որ էդ հակաքարոզչությունը էլ ներս ու դուրս չի ճանաչում, սա ստիպում է լինել բոլորի պես։

Անտարբեր, անբան, մադկանց խնդրին ու հարցերին անուշադրության մատնող, իմ ու քո անող, հին ու նոր մարդ ու հին ու նոր խնդիրներ տարանջատող, թայֆա ստեղծող ու էդ թայֆում ինքնահաստատվող և այսպես շարունակ թվարկելու կետեր և հենց այդ մարդու կերպարի մեջ պետք է մտնեմ : Այո — Այո, հենց այդպես :

Երբ փորձում ես հաշվի առնել բոլորի շահերը, արդյունքում կորցնում ես սեփական ամենակարևորը ՝ առողջությունը»,- գրել է Հովսեփյանը և հավելել, որ ամեն պատահածը իրեն թույլ է տալիս վիրավորել, ինչ որ բան պահանջել, ինքնահաստատվել․ «Ակնհայտ է, որ կոնկրետ մարդկանց ուղղորդմամբ, բայց հո հասուն մարդիկ տեսնում են այդ ամենը, էդ ամենը ձեր ժպտացող և թափանցիկ ոչինչ չասող դեմքից այն կողմ երևում է»։

Հովսեփյանը նաև նշել է՝ այսուհետ իրեն դիմեն միայն Շիրակի մարզի բնակիչները։ «Այսուհետ խնդրանք, պահանջ, հորդոր .

-Ինձ դիմեն միայն Շիրակի մարզի բնակիչները. ( մյուս մարզերն ամեն մեկը իր ընտրած պատգամավորին դիմի , մարզպետին , քաղաքապետին ու գյուղապետին ):

— Ինձ դիմեն միայն կոնկրետ իմ պաշտոնին վերաբերող հարցով և ոչ կենցաղային հարցերով:

— Ինձ չզանգահարել աշխատանքային ժամից դուրս և ոչ աշխատանքային օրերին:

— Չհամարձակվել ինձ հետ խոսել ձայնի տոնայնությունը թեկուզ կես դեցիբել բարձր:

— Գործերը և պարտականություններն արեք այնքան պատշաճ, որ հետո ձեր տեղը օրերով ես չչարչարվեմ:

— «Թեժ գծի» վերածված համարս սեպտեմբերի 15-ց հետո մնալու է ԱԺ -ում, իսկ նոր հեռախոսահամարս տրամադրելու եմ միայն ընտանիքիս անդամներին: Եթե կա զանգ, ապա միայն աշխատանքային ժամ և աշխատանքային օր :

Եվ այսպես շարունակ …

Մի օր կգա, որ ստիպված կլինեմ վերը նշված պահանջներս իրականություն դարձնեմ՝ երեկվա ինքնահաստատվող մասսայի ուղղորդված հարձակման նման դեպքերից և այսօրվա ժամը 6;30 գյուղերից ստացած ոչինչ չասող զանգից հետո:

Ես էլ չեմ հավատում իմ ասածին, բայց որոշ կետերի խստագույնս հետևելու եմ»,- գրել է նա։