Իտալական «Ռոման» վերադարձել է արձակուրդից։ Պորտուգալացի Պաուլու Ֆոնսեկայի գլխավորած թիմի կազմում մարզումները վերսկսել է նաեւ Հայաստանի հավաքականի ավագ, կիսապաշտպան Հենրիխ Մխիթարյանը։

Հռոմեական թիմում առաջին մարզումն է անցկացրել իսպանացի հարձակվող Պեդրո Ռոդրիգեսը, որը ազատ գործակալի կարգավիճակում է միացել «Ռոմային»։ Նրա նախորդ թիմը Լոնդոնի «Չելսին» էր։

Հիշեցնենք, որ «Ռոմայի» դարպասապահ Անտոնիո Միրանտեն, պաշտպան Բրունո Պերեսը եւ կիսապաշտպաններ Կառլես Պերեսն ու Ջասթին Կլույվերտը վարակվել են կորոնավիրուսով։ Նրանք ինքնամեկուսացել են։