Այսօր շրջակա միջավայրի փոխնախարար Վարդան Մելիքյանը սեփական դիմումի համաձայն ազատվել է զբաղեցրած պաշտոնից։ Այս մասին Facebook-ի իր էջում գրել է Շրջակա միջավայրի նախկին նախարար Էրիկ Գրիգորյանը:

Նա, մասնավորապես, նշել է. «Շնորհակալություն եմ հայտնում Վարդան Մելիքյանին համատեղ աշխատանքի համար ու հիշեցնում, որ նա միջազգային հեղինակավոր կառույցներից մեկում իր աշխատանքը թողնելով միացել էր ավելի լավ Հայաստան կառուցելու դժվարին գործին։

Վարդան, շնորհակալ եմ քո պատասխանատու, նվիրված, սրտացավ ու պրոֆեսիոնալ աշխատանքի, նորարական ու հեղափոխական գաղափարների եւ իրականացված բարեփոխումների համակարգման համար»: