ԱՄՆ պետքարտուղար Մայք Պեմպեոյի Իրանի դեմ պատժամիջոցների վերագործարկման ընթացակարգ սկսելու մասին իրազեկումը իրավաբանական ուժ չունի։ Այս մասին հայտարարել է Իրանի ԱԳ փոխնախարար Աբաս Արաքչին, փոխանցում է ԻՌՆԱ-ն։

«ԱՄՆ իրազեկումը իրավաբանական ուժ չունի։ ՀՀԳԾ մնացած անդամներից ոչ մեկը իրազեկումը վավերական չի համարում»,- նշել է Արաքչին իր Twitter-յան էջում։ «Մենք հավատում ենք, որ ՄԱԿ ԱԽ-ն ԱՄՆ-ին թույլ չի տա չարաշահել 2231 բանաձեւը հայտարարած նպատակներին՝ բուն բանաձեւը ոչնչացնելուն հասնելու համար»,- հավելել է նա։