Պենտագոնը ՉԹՕ հետաքննության համար նոր աշխատանքային խումբ կձեւավորի: ՉԹՕ-ն նկատել են ԱՄՆ ռազմական ինքնաթիռները, հաղորդում է CNN-ը՝ հղում անելով ՊՆ ներկայացուցիչներին:

Պաշտպանության նախարարի տեղակալ Դեւիդ Նորկվիստը կհամակարգի աշխատանքային խումբը, որը, ինչպես ակնկալվում է, կներկայացվի մոտ օրերս:

Կոնգրեսի անդամներն ու Պենտագոնի պաշտոնական անձինք վաղուց են մտահոգություն հայտնում՝ կապված ՉԹՕ-ների հայտնվելու հետ: Դրանց ծագման մասին որեւէ միասնական կարծիք չկա, եւ որոշները կարծում են, որ դրան կարող են ԱԹՍ-ներ լինել, որոնք ղեկավարվում են հակառակորդների, այլ ոչ թե այլմոլորակայինների կողմից: