Ճգնաժամային կառավարման ազգային կենտրոն ահազանգ է ստացվել, որ հուլիսի 5-ին, ժամը 13:48-ին Դրախտիկ գյուղի մոտակայքում տեղի է ունեցել ճանապարհատրանսպորտային պատահար։ Այս մասին տեղեկացնում է ԱԻՆ-ը:

Դեպքի վայր է մեկնել ԱԻՆ ՓԾ Գեղարքունիքի մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Ուղևորներ Մհեր Խ․-ն (ծնված 1997 թ․), Գոռ Գ․-ն (ծնված 1998 թ․) և Դավիթ Խ․-ն (ծնված 1995 թ․) ստացել են մարմնական վնասվածքներ և հոսպիտալացվել Ճամբարակի ԲԿ, որտեղ բժիշկները նրանց առողջական վիճակը գնահատել են բավարար։

Փրկարարները հոսանքազրկել են ավտոմեքենան և փակել գազի բալոնի փականը։