ՌԴ վարչապետ Միխայիլ Միշուստինը Ռուսաստանում կորոնավիրուսի դեմ պայքարի համակարգող խորհրդի նախագահության նիստին հայտարարել է, որ ռուսաստանցիները կարող են մեկնել արտերկիր ազգականներին խնամելու, բուժման, աշխատանքի և կրթության նպատակով: Այս մասին գրում է «ՌԻԱ Նովոստի» գործակալությունը:

Վարչապետը տեղեկացրել է, որ արտասահմանցիներին նույնպես կթույլատրվի բուժման նպատակով այցելել Ռուսաստան: Համապատասխան հրամաններն արդեն ստորագրվել են:

Փորձագետների կարծիքով՝ Ռուսաստանում հիվանդության պիկն անցել է, երկրի իշխանություններն աստիճանաբար չեղարկում են սահմանափակումները: