Ես ուզում եմ հավատալ մեր պատգամավորներին, որ այս փոփոխություններից հետո դուք բոլորդ երջանիկ եք ապրելու: Այս մասին, այսօր՝ հունիսի 23-ին ՍԴ-ի դիմաց լրագրողների հետ զրույցում ակնհայտ հեգնանքով նշեց ՍԴ նախագահ Հրայր Թովմասյանը՝ անդրադառնալով հարցին, թե ՍԴ-ի շուրջ կատարվողը իրավակա՞ն գործընթաց, թե քաղաքական: «Չէ, ի՞նչ եք ասում, երեկ ինչ-որ մեկը հայտարարեց, որ այս գործընթացը երջանիկ ապրելու համար է, որ այստեղ ոչ մի քաղաքական բան չկա: Նենց որ հավատացեք, որ վաղվանից երջանիկ եք ապրելու: Ես ուզում եմ հավատալ մեր պատգամավորներին, որ այս փոփոխություններից հետո դուք բոլորդ երջանիկ եք ապրելու»,-ասաց ՍԴ նախագահը:

Հարցին, թե տհաճ չէ՞ աշխատել ներկա իշխանությունների հետ, որոնք անընդհատ ասում են, որ Հրայր Թովմասյանը լեգիտիմ չէ, պետք է հեռանա, նա պատասխանեց. «Հրայր Թովմասյանի համար նախկին իշխանություն, նոր ու հին իշխանություն, իրենց ասածները Հրայր Թովմասյանի համար 100-րդական են: Հրայր Թովմասյանը գլուխը կախ, գալիս իր աշխատանքն անում, գնում է»: