Իրանում կորոնավիրուսով վարակման դեպքերի թիվը գերազանցել է 180 հազարը, առողջացել է մոտ 142.7 հազար մարդ, հայտնել է Իրանի առողջապահության նախարարության պաշտոնական ներկայացուցիչ Սիմա Սադաթ Լարին, փոխանցում է «ՌԻԱ Նովոստի»-ն:

RINN հեռուստաալիքի եթերում նա հայտնել է, որ անցած օրվա ընթացքում հայտնաբերվել է կորոնավիրուսով վարակման 2238 նոր դեպք, մահացել է 78 մարդ:

Փետրվարի 19-ից, երբ Իրանի իշխանություններն առաջին անգամ հայտնեցին COVID-19-ի մասին, գրանցվել է վարակման 180156 դեպք, որից 8584-ը՝ մահվան ելքով: Առողջացել է 142,663 մարդ: