Այսօր Կառավարության նիստի ընթացքում վարչապետ Նիկոլ Փաշինյանն անդրադարձավ գիշերօթիկների փակման հարցին։ Վարչապետի խոսքով՝  իրենց դիտարկումների համաձայն՝ գիշերօթիկում ավելի շատ աշխատող կա, քան երեխա։ Նա նշեց, որ իրենց նպատակն այդ երեխաների խնամքն է, ոչ թե աշխատատեղերը պահելը։

«Մեր խնդիրն է, որ մենք երեխայի շահերը պաշտպանենք։ Եվ էն ֆինանսական միջոցները, որ դրվում են էդ նպատակի համար, հիմա էս փոփոխությունների արդյունքում պետք է գնան երեխայի հետևից, մտնեն երեխայի ընտանիք», – ասաց Փաշինյանը։