Այսօր Հաղթանակ զբոսայգում լրագրողների հետ զրույցում պաշտպանության նախարար Դավիթ Տոնոյանը նշեց` ՀՀ պաշտպանության նախարարությունը հակառակորդ երկրի համեմատ ոչ թե բալանսի է ձգտում, այլ՝ առավելության:

«Ձմռան փուլից հետո առաջնագծում սկսվում են երկկողմանի ինժեներական աշխատանքներ, մենք աշխուժացումն էլ դրա հետ ենք կապում: Մեր նախարարության անունը պաշտպանության նախարարություն է: Մենք պետք է շարունակենք ու ապահովել անվտանգությունը, ինչպես նաև բանակցային գործընթացում բարենպաստ պայմաններ պիտի ստեղծենք»։

Հարցին` ի՞նչ վիճակում է Ռուսաստանից սպառազինություն ձեռք բերելու գործընթացը, նախարարը պատասխանեց. «Շատ առողջ վիճակում է»։