»»Արթուր Ջավադյանը մեկնել է Վաշինգտոն. Նա կմասնակցի ԱՄՀ եւ ՀԲ գարնանային նստաշրջանին

Արթուր Ջավադյանը մեկնել է Վաշինգտոն. Նա կմասնակցի ԱՄՀ եւ ՀԲ գարնանային նստաշրջանին

ՀՀ կենտրոնական բանկի նախագահ Արթուր Ջավադյանը մեկնել է Վաշինգտոն, որտեղ մասնակցելու է Արժույթի Միջազգային Հիմնադրամի եւ Համաշխարհային Բանկի կառավարիչների խորհուրդների 2019 թ. գարնանային նստաշրջանին:

Կենտրոնական բանկից հայտնում են, որ ԿԲ նախագահը մասնակցելու է ԱՄՀ/ՀԲ գարնանային նստաշրջանի պլենար նիստին, ինչպես նաեւ հոլանդաբելգիական ենթախմբի կառավարիչների նիստին: Նախատեսված են մի շարք երկկողմ հանդիպումներ՝ մասնավորապես ԱՄՀ գործադիր տնօրենի տեղակալ Թաո Ժանգի, ԱՄՀ Մերձավոր Արեւելքի եւ Կենտրոնական Ասիայի տարածաշրջանային տնօրեն Ջիհադ Ազուրի, ԱՄՀ հոլանդաբելգիական ենթախմբի գործադիր տնօրեն Էնթընի ԴեԼաննոյի, ինչպես նաեւ միջազգային մի շարք ֆինանսական կառույցների ղեկավարների հետ:

Միջոցառման շրջանակում նախատեսված են մի շարք աշխատանքային քննարկումներ՝ միջազգային տնտեսական եւ ֆինանսական զարգացումների, տնտեսական աճի, կապիտալի շուկաների եւ ֆինանսական տեխնոլոգիաների փոխկապվածության, համաշխարհային տնտեսության մարտահրավերների, ֆինանսական հոսքերի կառավարման եւ այլ հարակից թեմաների շուրջ:

2019-04-10T13:19:20+04:00April 10 13:08|Տնտեսություն|0 Comments