Հայաստանի Հանրապետության ոստիկանության պետ Վալերիյ Օսիպյանը հանդիպում է ունեցել քաղաքացիների հետ։ Նրանք ոստիկանության պետին ներկայացրել են դիմումներ, բողոքներ, առաջարկություններ։

Քաղաքացիների դժգոհությունները հիմնականում կապված են եղել  նախկինում տեղի ունեցած հանցագործությունների բացահայտման հետ, ոմանք էլ դժգոհել են, որ տուժել են ոստիկանության ծառայողների կամ այլ գերատեսչությունների աշխատակիցների գործողություններից կամ անգործությունից։

Բարձրացրած որոշ հարցեր ոստիկանության իրավասությունից դուրս են եղել, որոնց լուծման համար քաղաքացիներին առաջարկվել է դիմել համապատասխան մարմիններ։

Վալերիյ Օսիպյանը հանձնարարել է ուսումնասիրել բողոքները, պատշաճ լուծում տալ հարցերին՝ արդյունքների մասին քաղաքացիներին պարտադիր տեղեկացնելով։

Որոշ խնդիրներով ոստիկանության պետը տեղում կապ է հաստատել իրավասու պաշտոնյաների հետ և տվել կոնկրետ հանձնարարականներ։

ՀՀ ոստիկանության պետը ամիսը մեկ անգամ հանդիպումներ է ունենում քաղաքացիների հետ։ Ընդունելություններին մասնակցել ցանկացողները կարող են նախօրոք հեթագրվել ՀՀ ոստիկանության ընդունարանում, հասցեն՝ Նալբանդյան 130։