»»Սեպտեմբերի 25-26-ը ոստիկանությունը բացահայտվել է հանցագործության 56 դեպք

Սեպտեմբերի 25-26-ը ոստիկանությունը բացահայտվել է հանցագործության 56 դեպք

Ըստ ոստիկանության օպերատիվ հաղորդագրությունների ամփոփագրերի` սեպտեմբերի 25-ից 26-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 56 դեպք։
Մասնավորապես՝ մարմնական վնասվածք հասցնելու 12, անձնական ունեցվածքի գողության 9, ծեծի 6, խարդախության և ընտրական իրավունքի խախտման 5-ական, պաշտոնեական լիազորությունների չարաշահման 3, անձի առևանգման, կողոպուտի, յուրացման կամ վատնման ու կաշառակերության 2-ական, բնակարանային գողության, խուլիգանության, թմրամիջոցի հայտնաբերման, պաշտոնեական կեղծիքի կամ անփութության, ծնողի կամ մերձավոր ազգականի և երեխայի միջև տեսակցության իրականացմանը խոչընդոտելու, պատմության և մշակույթի հուշարձաններ վնասելու կամ ոչնչացնելու, անզգուշությամբ վնաս պատճառելու և 16 տարին չլրացած անձի հետ սեքսուալ բնույթի գործողություններ կատարելու 1-ական դեպք:

Այս մասին տեղեկացնում են ՀՀ ոստիկանությունից:

Հայտնաբերվել է 3, կամավոր ներկայացել է 2 հետախուզվող:

Գրանցվել է զենք-զինամթերքի կամավոր հանձնման 2 դեպք։

Նախկինում կատարված հանցագործություններից բացահայտվել է անձնական ունեցվածքի գողության 2 դեպք:

Անցած 1 օրվա ընթացքում հանրապետությունում արձանագրվել է ճանապարհատրանսպորտային 10 պատահար, ինչի հետևանքով 1 մարդ զոհվել է, 13-ը՝ ստացել տարբեր աստիճանի մարմնական վնասվածքներ:

2018-09-26T15:24:09+00:00 Սեպտեմբերի 26 15:20|Իրավական|0 Comments