Լեհաստանի Սենատն այսօր՝ հունիսի 29-ին, միաձայն վավերացրել է Հայաստանի Հանրապետության և Եվրոպական Միության միջև ստորագրված «Համապարփակ և ընդլայնված գործընկերության մասին» համաձայնագիրը: Այս մասին իր ֆեյսբուքյան էջում գրել է Լեհաստանում Հայաստանի դեսպան Էդգար Ղազարյանը:

Նշենք, որ Հայաստան-ԵՄ համաձայնագիրը ստորագրվել է 2017 թվականի նոյեմբերի 24-ին Բրյուսելում: Այս պահին Հայաստան-ԵՄ համաձայնագիրը վավերացրել են բալթյան երեք երկրները՝ Լատվիա, Լիտվա, Էստոնիա, Ռումինիան, ինչպես նաեւ Լեհաստանը: