«Հրապարակ» թերթը գրում է. «Մեր տեղեկություններով` առաջիկայում ՀՀ կենտրոնական զինվորական հավաքակայանը կտեղափոխվի այլ վայր։ Թե ուր` մեր աղբյուրները չկոնկրետացրին։ «Հարցը որոշման, իդեաների փուլում է»,- ասացին։

Պատճառների թվում նշեցին ոչ բավարար պայմանները, տեխնիկական անբավարար հագեցածությունը: «Օրինակ, զորակոչիկը բուժզննում, թոքերի սոնո է անցնում պալատկայում, ինչն անթույլատրելի է»,- ասացին մեզ:

Ի դեպ, որոշվել է Երեւանում ստեղծել միասնական հոսպիտալ, որը կկենտրոնացնի բոլոր ծառայությունները մեկ հարկի տակ: Ի՞նչ ֆինանսավորմամբ։ «Պետբյուջեից մինչեւ բարերարներ»:

Հիշեցնենք, որ զինկոմիսարիատների մասով եւս փոփոխություններ են սպասվում: Դրանք թերեւս կլինեն ոչ թե օրենքի, այլ հրամանագրերի տեսքով»:

Առավել մանրամասն՝ թերթի այսօրվա համարում