»»»Մանվել Գրիգորյանի քաղաքապետ որդին հրաժարական ներկայացրեց

Մանվել Գրիգորյանի քաղաքապետ որդին հրաժարական ներկայացրեց

Րոպեներ առաջ, Irakanum.am-ին հայտնի դարձավ, որ Էջմիածնի քաղաքապետ Կարեն Գրիգորյանը հրաժարական է ներկայացրել: Կարեն Գրիգորյանը Մանվել Գրիգորյանի որդին է:

Հիշեցնենք, որ Հայաստանի Հանրապետության ազգային անվտանգության ծառայության աշխատակիցները հանցավորության դեմ պայքարին ուղղված գործառույթների իրականացման շրջանակներում ՀՀ Քր. օրենսգրքի 235-րդ հոդվածի 2-րդ մասի հատկանիշներով հարուցված քրեական գործով ս.թ. հունիսի 16-ին խուզարկություն է իրականացրել ՀՀ Արմավիրի մարզի Արշալույս գյուղի Լճափնյա փողոցում գտնվող գեներալ Մանվել Գրիգորյանին սեփականության իրավունքով պատկանող հանգստյան գոտում, ինչպես նաև Էջմիածին քաղաքի Ալավերդյան փողոցի տուն 46 հասցեում տեղակայված վերջինիս պատկանող առանձնատանը: