», Տեսանյութեր, Քաղաքականություն»Էջմիածնում ցույց է տեղի ունեցել քաղաքապետի հրաժարականի պահանջով

Էջմիածնում ցույց է տեղի ունեցել քաղաքապետի հրաժարականի պահանջով

Էջմիածնում մի խումբ քաղաքացիներ ցույց են անցկացնում քաղաքապետ Կարեն Գրիգորյանի հրաժարականի պահանջով:

Ցուցարարները Էջմիածնում երթ են անցկացրել, որից հետո հավաքվել են քաղաքապետարանի դիմաց` պահանջելով քաղաքապետ Կարեն Գրիգորյանի հրաժարականը:

Բողոքի ակցիային մասնակցում են նաև քաղաքացիներ նաեւ Երևանից` «Երևանը ձեզ հետ է» պաստառներով:

Օրերս խնդրին անդրադարձել է ԱԺ ՀՀԿ խմբակցության պատգամավոր Մանվել Գրիգորյանը, ում լրագրողները խնդրեցին մեկնաբանել իր որդու` Էջմիածնի քաղաքապետ Կարեն Գրիգորյանի հրաժարականի պահանջը: Մանվել Գրիգորյանը հայտարարել էր, որ Կարեն Գրիգորյանին ընտրել է ժողովուրդը, որը կարող է նաև հրաժարականի պահանջ ներկայացնել: