»»»Եգիպտոսում այսօր տեղի կունենա նախագահ Սիսիի երդմնակալությունը

Եգիպտոսում այսօր տեղի կունենա նախագահ Սիսիի երդմնակալությունը

Եգիպտոսում այսօր տեղի կունենա երկրորդ ժամկետում ընտրված նախագահ Աբդել-Ֆաթահ ալ-Սիսիի երդմնակալությունը: Արարողությունը կանցկացվի Կահիրեի կենտրոնում գտնվող Ներկայացուցիչների պալատի շենքում:

Ծրագրվում է, որ հանդիսավոր արարողությանը ներկա կգտնվեն բոլոր՝ 595 պատգամավորները, կառավարության անդամները, մահմեդականների և քրիստոնյաների հոգևոր առաջնորդները:

Երդմնակալությունից հետո եգիպտական խորհրդարանի բակում կհնչեն համազարկային 21 կրակոցներ, որից հետո խորհրդարանի խոսնակն ու Եգիպտոսի նախագահն ուղերձով կդիմեն ժողովրդին:

Հիշեցնենք, որ ալ-Սիսին հաղթել էր մարտի 26-28-ն անցկացված նախագահական ընտրություններում: Նրան աջակցել էր ընտրողների 97 տոկոսը:

2018-06-02T10:41:18+00:00 Հունիսի 2 10:41|Աշխարհ, Արևմուտք|0 Comments