»»»Եվրամիությունը մտադիր է պահպանել Իրանի հետ միջուկային գործարքը

Եվրամիությունը մտադիր է պահպանել Իրանի հետ միջուկային գործարքը

ԵՄ էներգետիկ քաղաքականության ղեկավար Միգել Արիաս Կանետեն Թեհրան կատարած այցելության ժամանակ հայտարարել է, որ ԵՄ երկրները շարունակում են հետևել միջուկային գործարքի պայմաններին՝ տեղեկացնում է Reuters-ը:

Պաշտոնյաներից մեկի հավաստիացմամբ՝ ծրագրվում է ավելացնել Իրանի հետ առևտրաշրջանառությունը:

«Մենք հայտնել ենք մեր իրանցի ընկերներին, որ քանի դեռ նրանք կհետևեն գործարքի պայմաններին, եվրոպացիները կկատարեն իրենց պարտավորությունները»,- հայտարարել է Կանետեն:

Իրանի միջուկային ծրագրի ղեկավար Ալի Աքբար Սալեհիի խոսքով՝ Թեհրանում հույս ունեն, որ ԵՄ-ն կկատարի միջուկային գործարքի գծով իր խոստումները: «Մենք հույս ունենք, որ նրանց ջանքերը իրական կլինեն: ԱՄՆ-ի գործողությունները ցույց տվեցին, որ այդ երկրին պետք չէ վստահել միջազգային գործերում»,- նշել է նա:

2018-05-20T11:24:58+00:00 Մայիսի 20 10:21|Աշխարհ, Արևմուտք|0 Comments